انگلینڈ کے ڈربی شائر کاؤنٹی کرکٹ کلب نے پاکستان کے نوجوان فاسٹ بولر زمان خان کے ساتھ معاہد کرلیا ہے اور وہ انگلش کلب کی جانب سے وائیٹالٹی بلاسٹ ٹی20 ٹورنامنٹ کھیلیں گے۔منگل کو ڈربی شائر کاؤنٹی کرکٹ کلب سے جاری بیان میں کہا گیا ہے کہ زمان خان نہ صرف اننگز کے آغاز میں بولنگ کرنے کی صلاحیت رکھتے ہیں بلکہ ڈیتھ اوورز میں اپنی یارکرز کے لیے بھی مشہور ہیں۔رواں سال کے آغاز میں ہونے والے پاکستان سُپر لیگ (پی ایس ایل) کے آٹھویں ایڈیشن میں 21 سالہ فاسٹ بولر نے 18 وکٹیں حاصل کی تھیں اور انہیں ’ایمرجنگ پلیئر آف دا سیزن‘ بھی قرار دیا گیا تھا۔!
Our new man has #PSL titles to his name, and he's only 21! #WeAreDerbyshire #BeBoldBeDerbyshire pic.twitter.com/BmV3sG1fMG
— Derbyshire CCC (@DerbyshireCCC) May 16, 2023
زمان خان پی ایس ایل کے دو سیزن جیتنے والی ٹیم لاہور قلندرز کا حصہ ہیں اور اس کے علاوہ وہ لنکا پریمیئر لیگ میں جافنا کنگز کی نمائندگی بھی کر چکے ہیں۔زمان خان چھ ٹی20 میچوں میں پاکستانی ٹیم کی نمائندگی کر چکے ہیں جس میں انہوں نے چار وکٹیں حاصل کیں ہیں۔