“مجھے پتا ہی نہیں تا کہ اس سارے معاملے میں 40 افراد جان سے چلے گئے ہیں یہ مجھے کل معلوم ہوا۔ مجھے اغوا کیا گیا تھا کیونکہ عدالت سے مجھے گرفتار کیا اور وارنٹ بعد میں دکھائے گئے یہ تو جنگل کا قانون ہے“
یہ کہنا ہے عمران خان کا جنھیں چند دن پہلے القادر کیس میں عدالت سے گرفتار کیا گیا تھا البتہ بعد ازاں اسلام آباد ہائی کورٹ نے عمران خان کی گرفتاری کو کالعدم قرار دے دیا۔ آج سابق وزہر اعظم کی عدالت سے باہر آنے کے بعد میڈیا سے گفتگو کی ویڈیو دیکھیں۔
اس دوران میڈیا چینلز نے نمائندوں اور صحافیوں نے عمران خان سے کئی سوالات کیے جن میں سے بیشتر کے جواب انھوں نے نہیں دیے البتہ یہ واضح کیا کہ عدالت کی اجازت کے باوجود ان کی بات اپنی اہلیہ بشریٰ بی بی سے نہیں ہوسکی تھی۔