پیرس کے شہر فرانس میں رگبی کا میچ شروع ہونے سے پہلے وارم اپ کے دوران ایک بپھرے بیل نے گراؤنڈ میں افرا تفری مچا دی، بے قابو بیل رسی پکڑنے والے کو بھی گھسیٹتا لے گیا۔
پرپِیگنان کے گلبرٹ بروٹس اسٹیڈیم میں رگبی میچ سے تین بیل اور تین گائیں پریڈ کے لیے پیش کی گئیں جن میں سے ایک بیل میدان میں بے قابو ہو گیا اور رسی پکڑنے والے کو بھی میدان میں گھسیٹتا رہا۔
بیل بے قابو ہونے کے بعد کھلاڑیوں میں بھی بھگدڑ مچ گئی ہے اور کھلاڑیوں نے بیل سے بچنے کے لیے اشتہاری بورڈز پر سے چھلانگ لگا دی۔
گراؤنڈ میں کافی دیر کی دھما چوکڑی کے بعد بیل کو قابو کرکے میدان سے باہر نکال دیا گیا۔
یاد رہے کہ یورپ کے کئی ممالک میں بل فائٹنگ ایک مقبول ترین کھیل ہے جبکہ مختلف ممالک میں گائے اور بیل کو کھیلوں کے مقابلوں میں بھی میدانوں میں لایا جاتا ہے۔
پرپِیگنان میں بے قابو بیل کی وجہ سے کھلاڑی اور شائقین میں شدید خوف پھیل گیا اور وارپ دیکھنے کیلئے اسٹیڈیم آنے والے بیشتر شائقین واپس چلے گئے جبکہ اشتہاری بورڈز سے چھلانگیں لگانے والے کھلاڑیوں کو معمولی چوٹیں بھی آئیں۔