مجھے گولی مارنے کا حکم، ہوسکتا ہے میرا آخری پیغام ہو ۔۔ مراد سعید کو کس سے خطرہ، پیغام میں کیا بتایا؟

پی ٹی آئی کے رہنما وسابق وزیر مراد سعید نے کہا ہے کہ مجھے دیکھتے ہی گولی مارنے کا حکم ہے، ہوسکتا ہے کہ یہ میرا آخری پیغام ہو۔

عمران خان کی گرفتاری کے بعد مراد سعید مسلسل خود پر حملے کے حوالے سے خدشات کا اظہار کررہے ہیں اور اپنے حالیہ پیغام میں انہوں نے قتل کے مبینہ منصوبے کے بارے میں بھی انکشاف کیا ہے۔

مراد سعید نے کہا کہ عوامی رد عمل نہیں آتا تو انہوں نے عمران خان کو راستے سے ہٹانے کا منصوبہ بنالیا تھا۔ یہ عمران خان کو رہا نہیں کرتے تو پھر آپ نے نکلنا ہے۔

پی ٹی آئی رہنما کا کہنا تھا کہ پوری پارٹی قیادت گرفتار ہے آپ کو پیغام دینے والا پھر کوئی نہیں ہوگا۔میرا کیا قصور ہے؟ میں نے تو پاکستان میں امن کی بات کی ہے۔

مراد سعید نے دعویٰ کیا کہ مجھے گولی مارنے کے بعد کہا جائے گا کہ ہم گرفتار کرنے گئے تھے ، مزاحمت میں پتہ نہیں چلا کہاں سے گولی چلی۔