وفاقی وزیر داخلہ رانا ثناء خان نے سپریم کورٹ کی جانب سے سابق وزیراعظم عمران خان کو ریلیف ملنے پر شدید ردعمل کا اظہار کرتے ہوئے چیئرمین تحریک انصاف کو دوبارہ گرفتار کرنے کا عندیہ دیا ہے۔
نجی ٹی وی سے گفتگو کرتے ہوئے وفاقی وزیر داخلہ رانا ثناء خان نے کہا کہ عمران خان غیر ملکی کرداروں کے علاوہ ملک میں اعلیٰ عہدوں پر بیٹھے لوگ بھی عمران خان کے سہولت کار بن چکے ہیں۔
عمران خان اور مسرت چیمہ کی لیک آڈیو کے حوالے سے وزیر داخلہ کا کہنا تھا کہ یہ آڈیو عمران خان کی گرفتاری کے بعد کی ہے، ممکن ہے کہ عمران نے کسی اہلکار پولیس سے فون لے کر بات کی ہوگی۔
سپریم کورٹ نے ایک بار پھر وہی کیا جو الیکشن کیس میں کیا تھا، وہ معاملہ بھی ہائی کورٹ میں تھا۔عمران خان کی گرفتاری پر بھی اسلام آباد ہائی کورٹ نے 16مئی کو جواب طلب کر رکھا تھالیکن پھر سپریم کورٹ بیچ میں آگئی۔
رانا ثناء اللہ کا کہنا ہے کہ عمران خان کو تمام مقدمات میں ضمانت مل گئی تو ٹھیک ورنہ آج پھر اسے گرفتار کریں گے جبکہ ایک دوروز میں انٹرنیٹ سروس بحال کر دی جائے گی۔