مانچسٹر یونائیٹڈ کو تاریخی شکست، لیور پول نے سات گول سکور کیے

اردو نیوز  |  Mar 06, 2023

معروف برطانوی فٹبال کلب لیور پول نے اتوار کو مانچسٹر یونائیٹڈ کو صفر کے مقابلے میں سات گول سے شکست دے دی ہے۔

خبر رساں ادارے اے ایف پی کے مطابق اتوار کو اینفلڈ میں ہونے والے اس میچ میں کوڈی گکپو، ڈاروِن نونیز اور محمد صالح نے دو دو گول کیے۔

دو معروف ترین برطانوی فٹبال کلبوں کے درمیان ہوئے اس میں میچ میں لیور پول کو جس مارجن سے فتح ملی ہے، یہ ایک نیا ریکارڈ ہے۔

اس موقعے پر لیور پول کے مینیجر جرگن کلوپ نے کہا کہ ’یہ طویل مدت بعد ایک بہترین پرفارمنس تھی۔ سب نے دیکھا کہ لڑکے کیا کچھ کر سکتے ہیں۔‘

انہوں نے کہا ’میچ کے دوسرے ہاف کا آغاز اس سے زیادہ اچھا نہیں ہو سکتا تھا۔ اس کے بعد ہم اُڑ رہے تھے اور پھر ہمارے مقابلے میں کھیلنا سچ مچ مشکل ہو چکا تھا۔‘

مانچسٹر یونائیٹڈ کی 23 میچز میں ہونے والی اس دوسری شکست نے ایک دہائی میں پہلا لیگ ٹائٹل اپنے نام کرنے کی اس کی امیدیں ختم کر دی ہیں کیونکہ وہ تیسرے نمبر پر موجود آرسنل سے بھی 14 پوائنٹس پیچھے ہیں۔

اس بڑی شکست کے بعد مانچسٹر یونائٹڈ کے مینیجر ایرک ٹین ہیگ نے کہا کہ ’نتیجہ بالکل واضح ہے۔ یہ اَن پرو فیشنل ہے۔‘

’بہت سی چیزیں ہیں جو مجھے غصہ دلاتی ہیں۔ اتنی آسانی اتنے گول ہضم کرنا یقینی طور پر مشکل ہے۔‘

لیورپول اس وقت چوتھے نمبر پر موجود ٹوٹنہم کے تین پوائنٹس کے قریب ہے جبکہ اس کا ایک میچ ابھی باقی ہے۔

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More