آج کا دن پاکستانی کرکٹ کے کھلاڑیوں کے نام ہوگیا۔ 2016 کے بعد سے بھارتی ویمن ٹیم کو پاکستانی ویمن ٹیم کے ہاتھوں شکست کا سامنا کرنا پڑا۔
ایشیا کپ 2022 ویمن ٹی ٹوئنٹی کے میچ میں پاکستان نے دلچسپ مقابلے کے بعد بھارت کو 13 رنز سے شکست دیدی۔
بنگلا دیش کے شہر سلہٹ میں کھیلے جانے والے میچ میں پاکستانی ویمن ٹیم نے ندا ڈار کی شاندار نصف سنچری کی وجہ سے پہلے بازی کرتے ہوئے 137رنز اسکور کیے جس کے جواب میں بھارتی ٹیم 124 رنز پر آؤٹ ہو گئی۔
بھارت کی جانب سے رچا گھوش 26 اور دیالان ہیما لٹھا 20 رنز بنا کر نمایاں رہیں جبکہ سمرتی مندھانا نے 17 اور دپیتی شرما نے 16 رنز اسکور کیے۔
پاکستان کی جانب س نشرہ سندھو نے 3 کھلاڑیوں کو آوٹ کیا جبکہ سعدیہ اقبال اور ندا ڈار نے 2 ،2 وکٹیں حاصل کیں، ایک ایک وکٹ ایمن انور اور طوبہٰ حسن لے اڑیں۔