پاکستان نے سری لنکا کے خلاف پہلا ٹیسٹ میچ جیت لیا۔
پاکستان نے سری لنکا کی جانب سے دیا گیا 342 رنز کا ہدف 6 وکٹوں کے نقصان پر پورا کر لیا، عبد اللہ شفیق نے اپنی 408 گیندوں کی اننگز میں 6 چوکے اور ایک چھکا لگایا۔
پاکستان نے گال ٹیسٹ میں ناصرف اپنی ٹیسٹ کرکٹ کی تاریخ کا دوسرا بڑا ٹوٹل حاصل کیا بلکہ گال اسٹیڈیم میں سب سے بڑا ہدف مکمل کرنے کا ریکارڈ بھی اپنے نام کیا۔
آج پانچویں روز کا آغاز پاکستانی ٹیم نے 3 وکٹوں کے نقصان پر 222 رنز کے ساتھ کیا تھا جب کہ سری لنکا نے پاکستان کو جیت کے لیے 342 رنز کا ہدف دیا تھا۔
پاکستان کے آغا سلمان 12، محمد رضوان 40، بابر 55 اور اظہر علی 6 رنز بنا کر پویلین لوٹ آئے۔ دوسری جانب سری لنکا کے پراباتھ سوریا نے 4 پاکستانی بلے بازوں کو اور رمیش مینڈس نے ایک کھلاڑی کو آؤٹ کیا۔
چوتھے دن کے آغاز پر سری لنکن ٹیم کی جانب سے بیٹنگ کی شروعات کی گئی تھی، ٹیم نے 9 وکٹوں کے نقصان پر 329 رنز بنائے سری لنکن ٹیم مجموعی طور پر صرف 8 رنز کا اضافہ ہی کر پائی، جبکہ 337 پر پوری ٹیم ہی آؤٹ ہو گئی۔
واضح اس میچ میں پاکستان کے محمد نواز کی تباہ کن بولنگ نے اہم کردار ادا کیا ہے، جنہوں نے 5 وکٹیں حاصل کیں، جبکہ یاسر شاہ نے 3 اور حسن علی اور نسیم شاہ نے ایک ایک وکٹ حاصل کی۔
عبداللہ شفیق کا پلئیر آف دی میچ قرار پائے۔