ملتان سلطان کے کھلاڑی شاہ نواز دھانی کی ایک منفرد ویڈیو سوشل میڈیا پر وائرل ہو رہی ہے جس میں انہیں کرسیاں صاف کرتے دیکھا گیا۔
باؤلر شاہ نواز دھانی اکثر کھلاڑیوں کے ساتھ تصاویر بنوانے اور میچ میں وکٹ لینے کے بعد شاندار اسٹائل سے مقبول ہیں۔ اس سے قبل ان کی کھلاڑیوں کی پلیٹ میں کیک پیش کرنے کی ویڈیو وائرل ہوئی تھی۔
اب ان کی ایک اور ویڈیو نے صارفین کی توجہ حاصل کرلی ہے۔
پی ایس ایل 7 کے اگلے مرحلے میں لاہور میں ہونے والے میچز کے لیے ملتان سلطانز نے قذافی اسٹیڈیم میں ایک روز قبل ٹریننگ سیشن کیا۔
اس ٹریننگ سیشن کے لیے قذافی اسٹیڈیم پہنچنے پر شاہنواز دھانی نے کرسیاں صاف کیں۔
بلے باز صہیب مقصود نے شاہ نواز دھانی کی کرسیاں صاف کرنے کی ویڈیو سوشل میڈیا پر جاری کردی۔
دیکھیئے ویڈیو۔