شاہنواز دہانی کی ناک میں بچپن سے پھنسا ہوا کنکر نکال دیا گیا، تصویر وائرل

پاکستان کرکٹ ٹیم کے فاسٹ بولر شاہنوار دہانی کی ناک کی سرجری ہوئی ہے۔ ان کی ناک میں بچپن میں کنکر پھنسا ہوا تھا۔ جو آپریشن کے بعد نکال دیا گیا ہے۔ سوشل میڈیا پر ان کی ہسپتال سے لی گئی تصاویر وائرل ہو رہی ہیں۔ ان کو بچپن میں شدید چوٹ لگی تھی جس کی وجہ سے ناک کی ہڈی بھی متاثر ہوئی تھی اور اکثر سانس لینے میں تکلیف ہوتی تھی۔ اب ان کی ناک کی ہڈی کا مسئلہ بھی ٹھیک کیا گیا ہے۔ 2 گھنٹے کی سرجری اور ریکوری کے بعد شاہنواز دہانی کو ڈسچارج کردیا گیا ہے۔ بتایا جا رہا ہے کہ شاہنواز دہانی پاکستان سپر لیگ کے آغاز سے پہلے مکمل فٹ ہوجائیں گے۔