پاکستان ویسٹ انڈیز کے خلاف پہلا ٹی 20 میچ جیت گیا

پاکستان اور ویسٹ انڈیز کے درمیان آج کراچی میں پہلا ٹی 20 میچ کھیلا گیا جس میں 63 رنز سے پاکستان نے جیت اپنے نام سمیٹی۔ پاکستانی ٹیم نے 6 وکٹوں پر 200 رنز بنائے جبکہ ’نمبر ایک کپتان‘ بابراعظم صفر پر ہی آؤٹ ہوگئے۔ 35 رنز پر 2 وکٹیں گرنے کے بعد محمد رضوان اور حیدر علی نے پاور پلے کے 6 اوورز کا اختتام 44 رنز پر کیا جو بہت شاندار ثابت ہوا۔ محمد رضوان 78 رنز پر شیفرڈ کی گیند پر سمتھ کے ہاتھوں کیچ آؤٹ ہوئے ۔ کراچی کے نیشنل اسٹیڈیم میں کھیلے گئے میچ میں مہمان ٹیم 201 رنز کے ہدف کے تعاقب میں صرف 137 رنز پر آل آؤٹ ہوگئی۔ محمد وسیم 4، شاداب خان 3 وکٹیں، محمد نواز، حارث رؤف اور شاہین شاہ آفریدی نے ایک ایک وکٹ لی۔