مُرغی کھانے میں بہت مزیدار ہوتی ہے اور زیادہ تر لوگ مرغی کا گوشت ہی کھاتے ہیں جبکہ ڈاکٹر اکثر اس کو نہ کھانے کی تلقین کرتے نظر آتے ہیں اور کہتے ہیں کہ مرغی بس پیٹ بھرنے کی ایک غذا ہے اس میں کوئی غذائیت نہیں۔ لیکن مرغی کے دل اور کلیجی میں بہت افادیت ہے جس کو کھانے سے آپ کو بہت فائدہ ہوتا ہے۔ آئیے آپ کو بتاتے ہیں ان کو کھانے سے کیا فائدے ملتے ہیں۔

مُرغی کے دل اور کلیجی کھانے کے بے شمار فائدے

دل اور کلیجی کھانے سے پہلے ان کو اچھی طرح دھو کر پہلے ابال لیں اور پھر اس کے بعد ان کو جس طرح چاہیں پکائیں اور کھائیں، اگر آپ ان کو اچھی طرح دھو کر خشک کریں اور توے پر صرف کالی مرچ چھڑک کر بھونیں تو یہ سب سے اچھی اور مرغوب غذا بھی ہے اور فائدے کے اعتبار سے بھی بھرپور ہے۔

خون کی کمی

مرغی کے دل میں خون کی مقدار بہت زیادہ ہوتی ہے۔ جس کی وجہ سے یہ کھانے والوں کے خون کی کمی کو بھی پورا کرتا ہے۔ اس کو کھانے سے دل کی صحت بھی برقرار رہتی ہے۔

آئرن

جو لوگ ہر وقت تھکے تھکے رہتے ہیں، ان کے جسم میں آئرن کی کمی ہوتی ہے، یہ دونوں چیزیں ان کی تھکاوٹ بھی دور کرتی ہیں اور جسم میں آئرن بھی پیدا کرتی ہیں۔

پروٹین

پروٹین کی کمی بالوں کے گرنے اور جلد کی خرابی کی وجہ بنتی ہیں۔ اور یہ دونوں مسائل نوجوانوں کے لئے بہت عام ہیں۔ ان سے بچنے کے لئے جہاں ڈاکٹری دوائیں استعمال کی جائیں وہیں ان قدرتی چیزوں کو بھی کھائیں تاکہ بال بھی اچھے ہوں اور جلد بھی چمکدار رہے۔

اعصابی مضبوطی

جب تک ہمارے اعصاب مضبوط نہیں ہوتے، ہم کچھ کرنے کے قابل نہیں ہوتے، یہی وجہ ہے کہ اعصابی کمزوری ایک مہلک مرض ہے، جس سے بچنے کے لئے ان چیزوں کو روزانہ یا ہفتے میں 3 مرتبہ لازمی کھائیں۔

وزن میں کمی

کھانا کھا کر وزن کم کرنے کے خواہشمند ہیں تو توے پر بھنی ہوئی کلیجی اور مرغی کا دل ضرور کھائیے۔ اس سے وزن میں کمی بھی آتی ہے اور میٹابولزم بھی بوسٹ ہوتا ہے۔

کولیسٹرول

کولیسٹرول حد سے زیادہ بڑھنے سے انسان کئی امراض کا شکار ہوتا ہے، لہٰذا دواؤں کے ساتھ غذا میں یہ دو چیزیں شامل کریں اور پھر فائدہ دیکھیں۔