پیدا بھی اگست میں ہوئے شادی بھی اس ماہ ہوئی اور پھر ۔۔ جانیے 4 جڑواں بچوں کا یہ خاندان کونسا ہے جن کا یکم اگست کی تاریخ سے بہت گہرا تعلق ہے؟

ایسا ہونا اتفاق ہوسکتا ہے لیکن اس خبر نے سب کو حیران کردیا ہے کہ ایک ہی خاندان کے فرد کا یکم اگست سے بڑا گہرا تعلق سامنے آگیا ہے۔

تفصیلات کے مطابق مذکورہ گھرانے کا تعلق پاکستان کے شہر لاڑکانے سے ہے جن میں پیدائش بھی یکم اگست، شادی بھی یگم اگست کو ہوئی، بیوی اور 7 بچوں کی تاریخ پیدائش بھی یکم اگست ہے۔ گھر کے مالک کا نام علی منگی ہے جس کا نام گنیز بک آف ورلڈ ریکارڈ میں شامل کر لیا گیا ہے۔

امیر علی منگی کے مطابق ان کی تاریخ پیدائش بھی یکم اگست ہے جبکہ ان کی بیوی اور 7 بچوں کی تاریخ پیدائش بھی پہلی اگست ہے، ان بچوں میں جڑواں پیدا ہونے والے 4 بچے بھی شامل ہیں اور حیرت انگیز طور پر وہ بھی یکم اگست کو ہی پیدا ہوئے۔

حسن اتفاق سے امیر علی منگی کی شادی بھی یکم اگست کو ہوئی تھی۔

دنیا بھر میں یہ واحد گھرانہ ہے جو ایک ہی تاریخ پر پیدا ہوا جبکہ دوسرے نمبر پر بھارت کا ایک ہی تاریخ پر پیدا ہونے والا گھرانہ ہے جن کی تعداد پانچ ہے۔