چلتی ٹرین سے بوگیاں علیحدہ ہو گئیں اور پھر ۔۔ اور اب جائے وقوعہ پر کیا صورتحال ہے

مال گاڑی ہو یا پھر مسافر بردار گاڑی پچھلے کچھ ماہ سے ریل گاڑیوں کے حادثات میں ہوش ربا اضافہ ہوا ہے بلکل اسی طرح آج بھی ڈھرکی کے میں داد لغاری پھاٹک کے قریب 2 بوگیاں اچانک ہی چلتی ٹرین سے الگ ہو گئیں اور بوگیاں الگ ہونے کے بعد ٹرین کو بھی وہیں روک لیا گیا اور داد لغاری پھاٹک بھی بند کر دیا گیا ہے۔

اس واقعے پر ریلوے گارڈ نے کہا کہ کچھ معلوم نہیں کہ 2 بوگیاں کیسے الگ ہو گئیں تاہم اس بارے میں ریولے حکام کو آگاہ کر دیا ہے جس پر ریلوے حکام کا کہنا ہے کہ موجودہ صورتحال پر نظر رکھے ہوئے ہیں اور اس واقعے کے بعد اپ ٹریک پر ٹرینوں کی آمدورفت بند کر دی گئی ہے۔

واضح رہے کہ گزشتہ ماہ میں بھی سر سید اور ملت ایکسپریس کر درمیان گھوٹکی کے مقام پر ہولناک حادثہ پیش آیا تھا جس میں 62 افراد ہلاک اور 100 سے زائد زخمی ہوئے تھے۔