میں بہت اکیلا ہو گیا تھا اور پھر ۔۔ جانیں یہ 70 سالہ دادا کون ہیں جن کی بڑی عمر میں شادی سے متعلق آج کل خوب چرچے ہو رہے ہیں؟

آج کے دور میں لوگ شادی کرنے کے لیے عمر نہیں دیکھتے۔ انہیں جب بھی شادی کرنے کا موقع ملتا ہے وہ اس موقع سے فائدہ اٹھاتے ہیں۔

یہاں تک کہ لوگ ساٹھ ستر سال کی عمرمیں بھی شادی کرنے سے نہیں کتراتے اور خوشی خوشی شادی کے بندھن میں بندھ جاتے ہیں۔

بہت کم شادیاں ہی ایسی ہوں گی جن میں دادا دادی کے پوتوں پوتیوں ، نواسے نواسیوں نے شرکت کی ہو۔

آج ہم ایسے ہی بوڑھے شخص کی کہانی بتانے جا رہے ہیں جنہیں 70 برس کی عمر میں جیون ساتھی ملا۔ مذکورہ شخص کا نام گلزار ہے جو ایک پروفیسر ہیں۔

پروفیسر گلزار کی پہلی اہلیہ کا انتقال ہوگیا تھا جس کے بعد وہ تنہا زندگی گزار رہے تھے۔ وہ اکیلے بجھے بجھے زندگی گزار رہے تھے۔

اس دوران پروفیسر گلزار کے بچوں نے ان کی تنہائی دیکھتے ہوئے ایک دلچسپ فیصلہ کیا۔ ان کے بچوں نے ایک بار پھر اپنے والد کا گھر بسانے کا فیصلہ کیا۔ ان کی شادی نزہت شاسمین نامی خاتون سے کروادی جو ان سے عمر میں چند سال چھوٹی ہیں۔

پروفیسر گلزار نے ایک انٹرویو میں بتایا کہ میرے وہم و گمان میں بھی نہیں تھا کہ میرے بچے یہ مہم چلا رہے ہیں۔ انہوں نے کہا کہ نزہت کو میری زندگی میں آنا تھا اور ہماری شادی ہوگئی۔

ستر سالہ پروفیسر گلزار کی دلہن نزہت شاسمین نے انٹرویو میں کہا کہ سب دعا کریں کہ اللہ ہم دونوں کے حق میں اچھا کرے۔

نزہت نے بتایا کہ میرے لیے یہ رشتہ میری بہو نے پسند کیا ہے۔ پروفیسر گلزار کی ننھی نواسیاں بھی ان کی شادی پر بہت خوش دکھائی دیں۔