گوجرانوالہ میں ربڑی ملا دودھ چوہے پی گئے ۔۔ چوہوں کا پیا ہوا دودھ پینے کے بعد عوام اب کس حال میں ہے؟

گوجرانوالہ کے نکا چوک میں واقعہ ایک دودھ کی دوکان کے بڑے سے پتیلے سے 3 چوہوں نے دودھ پی لیا۔ جس کے بعد میں وہی دودھ گاہکوں میں فروخت کر دیا گیا اور اس واقعہ کی ویڈیو سوشل میڈیا پر وائرل ہونے کے بعد دوکاندار دوکان بند کر کے فرار ہو گیا۔

اور محکمہ فوڈ اتھارٹی نے بھی دوکاندار کیخلاف کوئی کارروائی نہیں کی اور نہ ہی یہ تحقیق کی گئی کہ اب تک یہ دودھ کس کس فرد کو فروخت کیا گیا یا کس کس شخص نے اس دودھ کو پی لیا ہے۔

اس واقعہ پر محکمہ فوڈ اتھارٹی کے ڈپٹی ڈائریکٹر مہتاب خانب کا کہنا ہے کہ دوکاندار کیخلاف کوئی بھی شکایت موصول نہیں ہوئی ہے اور اگر کوئی شکایت موصول ہوئی تو ضرور کارروائی کی جائے گی۔

واضح رہے کہ اب تک اس طرح کی کوئی اطلاعات موصول نہیں ہو سکی جس سے یہ یہ معلوم ہو سکے کہ یہ دودھ پینے سے کسی شخص کی طبعیت خراب ہوئی یا نہیں۔