اپنے کپڑے خود پھاڑنے والا یہ شخص کون ہے اور اس نے ایسا کیوں کیا ؟ سوشل میڈیا پر وائرل ویڈیو کی حیران کن تفصیلات سامنے آگئی

کراچی سے تعلق رکھنے واے ایک سہیل بیگ نامی وکیل نے کے الیکٹرک کے دفتر میں اپنے کپڑے پھاڑ کر ڈرامے بازی کرنے کی کوشش کی لیکن اس کا سارا ڈرامہ سی سی ٹی وی نے بے نقاب کر دیا ۔

ویڈیو میں صاف دیکھا جا سکتا ہے کہ ایک وکیل کے الیکٹرک کے دفتر میں بیٹھا ہے اور اچانک سے اس نے اپنی قمیض پھاڑ لی اور شور شرابہ کرنے لگ گیا کہ کے الیکٹرک نے مجھے اور میرے بیٹے کو مارا ہے اور میرے بیٹے کا موبائل فون بھی چھین لیا ہے اور کہا کہ ہم کراچی اور سندھ والوں کی پکار سننے والا کوئی نہیں میری چیف جسٹس سندھ اور سپریم کورٹ آف پاکستان سے درخؤاست ہے کہ ہمیں انصاف دلایا جائے ، وکلاء کے ساتھ ٹھیک نہیں ہو رہا ہے۔

اس کے علاوہ سہیل بیگ نے کہا کہ کے الیکٹرک نے غنڈے پال رکھے ہیں جو لوگوں کیساتھ ایسا برا سلوک کرتے ہیں جس کا منہ بولتا ثبوت آپ میری صورت میں دیکھ سکتے ہیں کیونکہ یہاں جو بھی حق کی بات کرتا ہے اسے مارتے ہیں اور موبائل چھینتے ہیں۔

یہ سارا ڈرامہ اس وکیل نے اپنے مطالبات منظور کروانے کیلئے کیا پر اب تک یہ بات سامنے نہیں آسکی کہ اس کے مطالبات آخر تھے کیا۔