کراچی کے پوش علاقے گلشن اقبال میں ایک بنگلے میں ہوئی بڑی ڈکیتی اور ڈکیتی میں ڈاکوؤں نے مجموعی طور پر مذکورہ بنگلے سے 1 کروڑ 7 لاکھ کی لوٹ مار کی۔
یہ واقعہ گزشتہ رات پیش آیا جس کا مقدمہ آج صبح درج کروایا گیا مدعی کا اس ڈکیتی پر کہنا ہے کہ وہ اپنے اہلخانہ کے ساتھ گھر پر ہی تھا کہ 3 ڈاکو گھر میں داخل ہوئے اور مجھ پر پستول تان لیا اور کسی بھی قسم کی مزاحمت کی صورت میں جان سے مارنے کی دھمکیاں دیں۔
اس کے بعد ایک ملزم فیملی کیساتھ ٹی وی لاونج میں رہا اور باقی دو ملزم کمرے میں چلے گئے اور الماری میں رکھے 80 تولہ سونا ، 8 ہزار 500 امریکی ڈالرز اور 90 ہزار پاکستانی روپے لوٹے اور اس کے علاوہ ایک ایف آئی ار میں یہ بھی کہا گیا ہے کہ دونوں ملزمان دوسرے کمرے سے جاتے ہوئے ایک پرانا اورایک نیا لیپ ٹاپ بھی اپنے ساتھ لے گئے۔
واضح رہے کہ مدعی کا کہنا ہے کہ ملزمان دیکھنے میں سرائیکی زبان بولنے والے لگ رہے تھے لیکن وہ اردو بول رہے تھے اور وہ موبائل فون پر مسلسل کسی سے رابطے میں بھی تھے اور صرف یہی نہیں بلکہ جاتے جاتے وہ گھر میں کھڑی کار بھی لے اڑے۔