خاندان کے کسی بھی فرد کے انتقال کے بعد اس کے قانونی ورثاء کو وراثتی سرٹیفیکیٹ کتنے دن میں اور کہاں سے حاصل ہو سکے گا؟

سندھ حکومت کا نہایت احسن اقدام اب وراثتی سرٹیفیکیٹ اورلیٹرآف ایڈمنسٹریشن 14 دن میں قانونی ورثاء کے حوالے کر دیا جائے گا اور اگر خاندان میں کسی بھی فرد کی موت ہو جاتی ہے تو اس کے بعد قانو نی ورثاء کو جلد از جلد وراثتی سرٹیفیکیٹ اور لیٹر آف ایڈ منسٹریشن نادرا میگا سینٹر ڈیفنس سے باآسانی حاصل ہو جائے گا۔

لیکن اس عمل میں پہلے 3 سے 36 ماہ کا عرصہ لگتا تھا اور بعض کیسز میں تو 5 سال کا بھی عرصہ لگ جا تا تھا پر اب اس مسئلے کو حل کرنے کیلئے وزیر اعلی مراد علی شاہ نے نادرا میگا سینٹر ڈیفنس ڈی ایچ اے میں وراثتی سرٹیفیکیٹ ون ونڈو آپریشن سسٹم کا افتتاح کر دیا ہے اور اب یہ سہولت 25 جون تک پورے سندھ میں بھی میسر ہو گی۔

اس کے علاوہ مراد علی شاہ نے کہا کہ سندھ اسمبلی نے 28 اپریل کو وراثت سے متعلق قانون پاس کیا تھا جس پر عملدرآمد کرتے ہوئے 6 ہفتوں میں اسے گزٹ میں شائع کیا گیا اور اب اس وراثت کے قانون کو عملی جامہ پہنانے کا بھی آغاز کر دیا گیا ہے۔