کراچی میں ٹریفک پولیس اہلکاروں کی موجیں۔۔ اچھی کارکردگی پر کیا انعامات دیے گئے؟

شہر قائد میں ٹریفک کو اچھے طریقے سے رواں دواں رکھنے اور عوام سے ٹریفک قوانین پر عملدرآمد کروانے پر 36 سیکشن اور چالان افسران کو نقد انعامات سے نوازا گیا، اس حوالے سے ڈسٹرکٹ سٹی ٹریفک پولیس کی جانب سے پریڈی تھانے میں تقریب کا انعقاد کیا گیا جس میں بہترین کارکردگی دکھانے والے سیکشن اور چالان افسران کے درمیان ایس ایس پی سٹی ٹریفک احمد بیگ نے 20 ،20 ہزار روپے کے چیک تقسیم کیے۔

اس کے علاوہ پولیس حکام کا کہنا ہے کہ ٹریفک پولیس افسران نے صرف شہر میں ٹریفک کی روانی ہی کو رواں دواں نہیں رکھا بلکہ کراچی میں جاری تجاوزات کیخلاف آپریشن میں بھی خوب بڑھ چڑھ کر حصہ لیا ۔