بارش یا بوندا باری؟ محکمہ موسمیات نے کراچی کے موسم کو حوالے سے بڑی پیش گوئی کر دی

محکمہ موسمیات کے "ارلی وارننگ سینٹر فار ہیٹ ویو" نے شہر قائد میں بوندا باری کی پیش گوئی کر دی ہے اور کراچی میں جمعرات اور جمعہ کو بوندا باری کا امکان ہے۔

مزید یہ کہ اگلے 3 روز تک شہر کا موسم گرم اور مرطوب رہ سکتا ہے اور درجہ حرارت زیادہ سے زیادہ 34 سے 36 ڈگری سینٹی گریڈ رہنے کا امکان ہے۔اور جنوب مغرب سے چلنے والی سمندری ہوائیں بھی تواتر سے چلتی رہیں گی۔

واضح رہے کہ پچھلے کچھ دنوں سے کراچی میں شدید گرمی کا رحجان ہے جیساکہ بدھ کو شہر میں درجہ حرارت 36 ڈگری سینٹی گریڈ ریکا رڈ کیا گیا جبکہ صبح کے وقت ہوا میں نمی کا تناسب 69 اور شام میں 62 فیصد رہا۔