اب سائیکل صرف پاؤں سے نہیں بلکہ ہاتھوں سے بھی چلائی جا سکتی ہے مگر کیسے؟ جانیں

کوئٹہ کے شہری نے تین پہیوں والی ایسی سائیکل تخلیق کی ہے جو پاؤں کے علاوہ ایک ہاتھ اور دونوں ہاتھوں سے بھی چل سکتی ہے شہری مظہر حسین کا کہنا ہے کہ اسے تمام لوگ استعمال کر سکتے ہیں لیکن یہ میں نے ان لوگوں کو ذہن میں رکھ کر بنائی ہے جو بم دھماکوں میں یا پھر کسی بھی اور وجہ سے معذور ہوگئے ہیں وہ اسے استعمال کر کے اپنے روز مرہ کے کام باآسانی کر سکتے ہیں۔

مظہر حسین کو اللہ پاک نے خداد صلاحیتوں سے نوازا ہے یہی وجہ ہے کہ اس سائیکل کی تمام تیاری انہوں نے خود کی ہے جس میں سائیکل کا کلر، سائیکل کی ویلڈنگ اور سائیکل کا ڈیزائن شامل ہے سائیکل کے مالک مظہر حسین کے مطابق اس سائیکل میں اسٹیل کے پائپس استعمال کیے گئے ہیں جسے سائیکل کے ڈیزائن کے مطابق میں شیپ میں لانے کیلئے انہیں ایک بنڈنگ مشین کی ضرورت تھی تو اسے بھی مظہر حسین نے خود بنایا اور پھر سائیکل کے فریم ڈیزائن بنائے گئے۔

اس کے علاوہ مظہر حسین کا کہنا ہے کہ وہ اپنے ہنر کو ہر بچے بڑے کو سیکھانا چاہتے ہیں اس کیلئے ان کے پاس وسائل کی کمی ہے اور وہ چاہتے ہیں کہ حکومت ان کی ہر ممکن مدد کرے۔