اربوں روپے کا لاہور میٹرو بس کا منصوبہ لیکن عوام پھر بھی 4 سالوں سے پریشانی کا شکار کیوں؟

لاہور کا سب سے بڑا عوامی منصوبہ یعنی کہ لاہور میٹرو بس جسے اربوں روپے لگا کر عوام کی آسانی کیلئے کھولا گیا تھا لیکن پچھلے 4 سالوں سے اس منصوبے کا کوئی والی وارث نہیں جس کا منہ بولتا ثبوت یہ ہے کہ لاہور میٹرو بس کے اسٹیشنز کلمہ چوک،ماڈل ٹاؤن اور غازی روڈ سمیت متعدد اسٹیشنز کےبرقی زینے یعنی کہ لفٹس خراب ہو چکی ہیں۔

ان خراب لفٹس سے آنے جانے میں عوام کو بہت مشکلات کا سامنا ہے، یہی وجہ ہے کہ ایک بزرگ خاتون نے اس معاملے پر رد عمل دیتے ہوئے کہا کہ میں خود ایک مریض ہوں اور ڈاکٹرز نے مجھے سختی سے سیڑھیاں چڑھنے اترنے کیلئے منع کیا ہے کیونکہ میرے پٹھوں میں اب اس عمر میں بلکل طاقت نہیں رہی،اسی مسئلے پر ایک معزور شخص نے کہا کہ مجھے روز ملازمت کی غرض سے میٹرو بس سے سفر کرنا پڑتا ہے مگر میرے لیے اب اس میں سفر کرنا بہت محال ہوچکا ہے۔