ہری پیاز جو قدرت کی جانب سے انسانوں کے لیے ایک بہترین تحفہ ہے، ناصرف کھانوں کا ذائقہ بڑھانے کے لیے مفید ہے بلکہ صحت پر اس کے کئی مثبت اثرات بھی مرتب ہوتے ہیں۔ ہری پیاز جو کہ وٹامن سی کا خزانہ ہے، یہ آپ کو صحت مند رکھنے میں اہم کردار ادا کرتی ہے۔

آئیے آپ کو بتاتے ہیں اس سبزی کے کچھ منفرد فوائد۔

قوت مدافعت بڑھاتی ہے

ہری پیاز میں موجود وٹامن سی انسانی جسم میں قوت مدافعت بڑھانے میں اہم ترین کردار ادا کرتی ہے۔ وہ افراد جو بار بار بیمار ہوتے ہوں انہیں چاہیے کھانے میں اس سبزی کو ضرور شامل کریں، اس سے ان کی صحت بہتر ہو گی۔

شوگر کی مقدار کو کنٹرول

ہری پیاز میں کرومیم بھاری مقدار میں پایا جاتا ہے، جو خون میں شوگر کی مقدار کو کنٹرول کرتا ہے۔ جبکہ یہ سبزی سوزش اور انفیکشن کے خلاف بھی انتہائی مفید ثابت ہوتی ہے۔

موٹاپے سے نجات

ہری پیاز میں وٹامن بی 1 کی کافی مقدار ہوتی ہے، اس مقدار کے ذریعے انسان اپنے جسم کی اضافی چربی کم کرسکتا ہے، اس طرح اسے اپنے بھاری وزن سے چھٹکارہ حاصل ہوگا۔

کینسر سے بچاؤ

ماہرین کے مطابق سبز پیاز میں ’کوئراسیٹن‘ مرکب کا ایک بہت بڑا حصہ ہوتا ہے جو کینسر سے بچانے میں مدد کرتا ہے، ایسے افراد جو سرطان میں مبتلا ہوں انہیں یہ سبزی زیادہ سے زیادہ کھانی چاہیے۔

اس حوالے سے آپ کی کیا رائے ہے؟ ہماری ویب کے فیسبک پیج پر کمنٹ کر کے بتائیں۔