گھر مبارک! نیا پاکستان ہاؤسنگ پروگرام کے تحت کتنے فیصد ادائیگی پر گھر آپ کا ہو سکتا ہے؟

وزیراعظم پاکستان نے پاکستان ہاؤسنگ پروگرام کا افتتاح کر دیا ہے جس میں قرعہ اندازی کے ذریعے1500 خوش نصیبوں میں فلیٹس اور گھر تقسیم کیے گئے جبکہ عمران خان نے اسلام آباد میں اس کا افتتاح کیا۔

پہلے مرحلے میں 1000 سے زائد فلیٹس اور 500 مکانات الاٹ کئے جائیں گے۔ فی الحال اسلام آباد میں محنت کش طبقے میں گھروں اور فلیٹس دینے کی تقریب منعقد کی گئی جس میں وزیراعظم عمران خان نے پودا لگا کر تقریب کا آغاز کیا۔ اس دوران وزیراعظم نے گھروں کا معائنہ کیا اور اس موقع پرعمران خان کو منصوبے سے متعلق بریفنگ بھی دی گئی جس کے بعد وزیراعظم مزدورطبقے میں رہائشی فلیٹس اور مکانات تقسیم کیے۔

اس حوالے سے معاون خصوصی زلفی بخاری نے بتایا ہے کہ نیا ہاؤسنگ منصوبے میں ایک گھر کی قیمت 23 لاکھ 24ہزار روپے اور صرف 10 فیصد ادائیگی پر آپ گھر کے مالک بن سکتے ہیں۔

زلفی بخاری نے کہا کہ نیا ہاؤسنگ پروگرام میں 10فیصد اداکرنے پرآپ کو گھر کی چابی دی جائے گی اور 90 فیصد رقم لوگوں کو 5 سے 20سال میں ادا کرنا ہوں گے جبکہ 950 فلیٹس آج مکمل تیار ہیں باقی بھی اسی ماہ مکمل ہوجائیں گے۔