بال کٹوانے کے لئے ہر شخص یا تو کسی دکان والے نائی کے پاس جاتا ہے یا پھر سیلون جاتا ہے اور وہاں سیٹ پر بیٹھ کر آرام سے ٹانگ پر ٹانگ رکھ کر بیٹھ جاتا ہے، نائی کو بتا دیتا ہے ذرا یہاں سے سیٹ کر دو یا گنجا کردو، کچھ نت نئے ڈیزائن بنواتے ہیں تو کوئی جا کر کہتا ہے بھائی ذرا سے چھوٹے کردو، لیکن نائی ان کو نئے ہیئر کٹ بتاتا ہے کہ دیکھو بھیا، آپ پر ویسا ہیئر سٹائل جچے گا، ذرا آپ بھی اپنا لُک بدلو ۔

بس اس بات کو سننے کے بعد اکثر نوجوان یا کچھ مرد حضرات نائی کے کہنے میں آ کر بال بنوا لیتے ہیں۔

مگر نائی جو اپنے کام میں مہارت رکھتا ہے وہ مختلف قینچیوں اور کنگھوں کی مدد سے بالوں کی تراش کرتا ہے۔ بال کٹوانے کے مختلف طریقے جو آج کل کے نائی استعمال کر رہے ہیں وہ آپ بھی دیکھیئے اور کبھی بال نئے انداز سے کٹوائیے۔

٭ آگ سے:

پاکستان میں مختلف ایسے ہئیر ڈریسر ہیں جو بالوں کو قینچی کے ساتھ آگ کی مدد سے کاٹتے ہیں۔ پہلے بالوں میں نارمل ہیئر آئل کا سپرے کرتے ہیں اور اس کے بعد لائٹر کی مدد سے آگ لگا کر بالوں کو کاٹتے ہیں یہ خطرناک طریقہ ضرور ہے، مگر ایک منفرد انداز بھی ہے۔

٭ شیشے سے:

کچھ نائی تو شیشے کے 4 انچ کے ٹکڑوں سے بالوں کو کاٹتے ہیں اور یہ طریقہ بھی پاکستان سمیت دنیا بھر میں بہت مشہور ہوا ۔

٭ ٹوکے اور ہتھوڑے:

کچھ نائی اب ٹوکے اور ہتھوڑے کی مدد سے بالوں کو کاٹتے ہیں جن کو دیکھ کر لگتا ہے کہ وہ بال نہیں گوشت کاٹ رہے ہوں، مگر اسٹائل میں کسی چیز کی کمی نہیں چھوڑتے۔