محدود حج کے بعد سعودی عرب کی وزارت صحت کی جانب سے بیان جاری کیا گیا ہے۔
سعودی عرب کی وزارت صحت کے مطابق رواں برس محدود میں شرکت والے ایک بھی حاجی میں کورونا کی تصدیق نہیں ہوئی جبکہ یہ کافی خوش آئند ہے۔
تفصیلات کے مطابق جدہ کے شاہ عبدالعزیز ایئر پورٹ کے ڈائریکٹر عصام فواد کا کہنا ہے کہ رواں سال حج کے مثالی انتظامات کیے گئے، عازمین حج کی آمد سے روانگی تک حجاج کرام کی صحت کی نگرانی کی جاتی رہی۔ محدود حج انتہائی کامیابی کے ساتھ مکمل ہوا۔
انہوں نے کہا کہ رواں برس مملکت کے 8 شہروں ریاض، مدینہ منورہ، الوجہ، دمام، قصیم، ابہا، جیزان اور تبوک سے عازمین حج کو سعودیہ ایئر کی اندرون ملک پروازوں کے ذریعے جدہ لایا گیا تھا۔
تاہم سعودی عرب کی وزارت حج و عمرہ کے سیکرٹری ڈاکٹر حسین الشریف نے کہا ہے کہ محدود حج کی کامیابی کے بعد عمرہ کی ادائیگی کی اجازت دینے پر غور شروع کردیا گیا ہے۔
ان کا مزید کہنا تھا کہ انہوں نے بتایا کہ ہر سال حج کی ادائیگی کے بعد ایک مفصل اور جامع رپورٹ تیار کی جاتی ہے جس کی روشنی میں انتظامات اور دیگر امور کا جائزہ لے کر اگلے سال کے انتظامات کی تیاریاں شروع کی جاتی ہیں۔
رواں سال محدود حج کی کامیابی کو دیکھتے ہوئے ایس او پیز کے ساتھ عمرہ شروع کرنے پر غور کر رہے ہیں۔