کوئی بھی شخص جب پروفیشنل لائف میں داخل ہوتا ہے تو اس کی کوشش ہوتی ہے کہ وہ ایک ایسے پیشے کا انتخاب کرے جو اس کے لیے بہترین ہو، آپ کی تاریخ پیدائش کے مطابق آپ کے لیے کون سی نوکری بہترین ہے اور کون سی بدترین، علم نجوم کی معروف ماہر روز سمتھ نے تمام ستاروں کے لحاظ سے لوگوں کے لیے بہترین اور بدترین پیشوں کے متعلق بتایا ہے جن کی مندرجہ ذیل تفصیلات میل آن لائن نے اپنی رپورٹ میں بیان کی ہیں۔
برج جدی (22 دسمبر تا 19 جنوری)
ان افراد کے لیے بہترین نوکریوں میں لیگل یا اکاﺅنٹینسی، فنانشل پلاننگ، پولیس، فائر فائٹنگ یا ایمرجنسی سروسز کی نوکریاں، ٹیچنگ، بزنس ایگزیکٹو، سائنسدان، بڑی کمپنی کا چیف ایگزیکٹو آفیسر کی نوکریاں بہترین ہیں۔
برج جدی کے لوگوں کے لیے ایسی نوکریاں بدترین ہوتی ہیں جن میں ان پر ذمہ داری نہ آتی ہو۔ اس کے علاوہ ایسی نوکریاں جن میں ترقی نہ ہو، ایسی نوکری جہاں غیرمنظم لوگوں کے ساتھ کام کرنا پڑے، ایسی نوکریاں جہاں بین الاقوامی کمیونی کیشن درکار ہو، ایسے لوگوں کے لیے بدترین ہوتی ہیں۔
برج دلو (20 جنوری تا 18 فروری)
ان کے لیے انسانی ہمدری والی نوکریاں، کمیونی کیشنز، الیکٹرانکس اور دیگر ایسی سائنسی نوکریاں، ایسی نوکریاں جہاں موجود سسٹم کے خلاف باغیانہ روش اپنانی پڑے، انٹرنیٹ سے متعلق نوکریاں اور ایسی نوکریاں جہاں روز نئی چیزیں کرنی ہوں ان لوگوں کے لیے بہترین ہوتی ہیں۔
تاہم ان افراد کے لیے سخت قواعد و ضوابط کی حامل نوکریاں، ایسی نوکریاں جہاں اپنی ذات کا بہت زیادہ اظہار یا نمائش شامل ہو، ایسی نوکریاں جہاں ہر وقت کچھ مخصوص لوگ ہی آپ کے اردگرد رہیں، ایسی نوکریاں جہاں احساس ہمدری بہت زیادہ برتنی پڑے اور ایسی نوکریاں جہاں ایک لگے بندھے معمول کے ساتھ کام کرنا پڑے، ان لوگوں کے لیے اچھی ثابت نہیں ہوتیں۔
برج حوت (19 فروری تا 20 مارچ)
یہ افراد کافی حد تک تخلیقی ہوتے ہیں لہٰذا ان کے لیے آرٹسٹ، موسیقار اور دیگر تخلیقی شعبوں کی نوکریاں، علم نجوم و دیگر روحانی پیشے، ہیلتھ کیئر، کلر تھراپی، ایسی نوکریاں جہاں سننے کی مہارت کا اچھا استعمال ہو سکے، ہیومن ریسورسز کی نوکریاں، فیشن ڈیزائنر، جیولری ڈیزائنر وغیرہ اور نان پرافٹ اداروں میں نوکریاں بہترین ہوتی ہیں۔
تاہم ایسی نوکریاں اچھی نہیں ہوتیں جہاں حساسیت اور احساس ہمدردی ہو۔ اس کے علاوہ ایسی نوکریاں جہاں زیادہ ذہنی دباﺅ اور ٹائم ڈیڈ لائن والی نوکریاں، ایسی نوکریاں جن میں دوسرے لوگوں کے ساتھ رابطہ کم یا بالکل نہ ہو، ایسی سیلز پوزیشنز جن پر بہت زیادہ پریشر ہوتا ہے، ان لوگوں کے لیے اچھی نہیں ہوتیں۔
برج حمل (21 مارچ تا 19 اپریل)
برج حمل کے لوگوں کے لیے ذاتی کاروبار، پبلک ریلیشنز، ملٹری سروسز، مسابقتی سپورٹس، قائدانہ کردار، تخلیقی صلاحیت کی حامل نوکریاں بہتر ہوتی ہیں۔ اس کے علاوہ ایسی نوکریاں جہاں نت نئی چیزیں کرنے کو ملیں اور جہاں خطرات مول لینے پڑیں، ان کے لیے بہترین ہوتی ہیں۔
بور کر دینے والی نوکریاں جہاں روزانہ وہی کام کرنا پڑے، جہاں تنہائی میں کام کرنا پڑے ان لوگوں کے لیے اچھی نہیں ہوتیں۔
برج ثور (20 اپریل تا 20 مئی)
ان کے لیے کنسٹرکشن کے کام کی نوکریاں جیسا کہ سرویئر، بلڈر یا پراجیکٹ منیجر بہترین ہیں۔ اس کے علاوہ شیف، ریسٹورنٹ منیجر، میوزیکل، تھیٹر اور اداکاری کی انڈسٹری میں منیجر کی نوکری، آرٹ ڈائریکٹر، انٹیریئر ڈیزائنر یا ماہر تعمیرات کی نوکری ایسے لوگوں کے لیے بہترین ہے۔
ان کو ایسی نوکری قطعاً نہیں کرنی چاہیے جہاں دوسرے لوگ انہیں بتائیں کہ انہیں کیا کرنا ہے۔ اس کے علاوہ ایسی نوکریاں جن میں ہمدری اور احساس کارفرما ہو، مثال کے طور پر ویلفیئر یا سوشل ورک۔ طبی شعبے کی نوکریاں جن میں براہ راست مریضوں سے معاملہ کرنا پڑے اور ایسی نوکریاں جن میں بہت زیادہ صبر و برداشت کی ضرورت ہو، ایسے لوگوں کے لیے بدترین ہیں۔
برج جوزا(21 مئی تا 20 جون)
برج جوزا کے حامل لوگوں کے لیے صحافت، پبلک ریلیشنز اور سوشل میڈیا سے متعلق نوکریاں، انٹرٹینمنٹ انڈسٹری کے کام، گلوکاری وغیرہ۔ ایڈورٹائزنگ کی نوکریاں، ٹیچنگ، بعض سائنس سے متعلقہ نوکریاں، ٹریول بلاگر اور سفر سے متعلق دیگر نوکریاں بہترین ہوتی ہیں۔
ان افراد کے لیے ایسی نوکریاں اچھی نہیں ہوتیں جہاں یہ لوگ اپنی تخلیقی صلاحیتیں نہ دکھا سکیں اور اپنی ذات کا اظہار نہ کر سکیں۔ سخت اوقات کی حامل نوکریاں، جن میں وقت کی قید ہو۔ بور کر دینے والی نوکریاں، ایسی نوکریاں جہاں لوگوں کے ساتھ میل جول کم ہوبھی ان کے لیے اچھی نہیں ہوتیں۔
برج سرطان (21 جون تا 22 جولائی)
برج سرطان کے لوگوں کے لیے کونسلنگ، عمر رسیدہ یا معذور لوگوں کی مدد کرنے والی نوکریاں، شیف، کسٹمر سروس انڈسٹریز کی نوکریاںمیوزک، تھیٹر یا اداکاری کی انڈسٹریز کی نوکریاں، میڈیکل پروفیشنل، ٹیچنگ، ویلفیئر، سوشل ورک اور آن لائن سیلزکی نوکریاں بہترین ہوتی ہیں۔
ان کے لیے فوج جیسی نوکریاں بدترین ہوتی ہیں جہاں جذبات اور ہمدری وغیرہ مناسب نہیں سمجھے جاتے۔ اس کے علاوہ ایسی نوکریاں جن میں وقت کے لحاظ سے لچک نہ ہو، پائلٹ، ایسی نوکریاں جہاں ہمہ وقت چہرے پر مسکراہٹ رکھنی پڑے ، بدترین ثابت ہوتی ہیں۔
برج اسد(23 جولائی تا 22 اگست)
برج اسد کے لوگوں کے لیے پبلک ریلیشنز، اداکاری، تھیٹر، فلم، ٹی وی کے کام، سوشل میڈیا انفلوئنسنگ، چیف ایگزیکٹو آفیسر کے رول، جہاں قائدانہ صلاحیتیں دکھانے کا موقع ملے۔ ایسی نوکریاں جہاں لوگوں کی توجہ ملے، سوشل سروسز کی نوکریاں بہترین ہوتی ہیں۔
تنہائی میں کام کرنے والی نوکریاں، ایسی نوکریاں جہاں ان کا تحکم قائم نہ ہو، ایسی نوکریاں جہاں کوئی چیلنج نہ ہو، ایسی نوکریاں جہاں لوگوں کی مداخلت ہو، ایسی نوکریاں جہاں ستائش نہ کی جائے، ان لوگوں کے لیے اچھی ثابت نہیں ہوتیں۔
برج سنبلہ(23 اگست تا 22 ستمبر)
برج سنبلہ کے حامل لوگوں کے لیے ماہر غذائیات اور دیگر میڈیکل نوکریاں، فنانشل انڈسٹری کی نوکریاں، کاشتکاری یا فاریسٹ رینجر کے کام، منیجر کی نوکری اور اکاﺅنٹنٹ کی نوکری بہترین ہیں۔
ان لوگوں کو تخلیقی شعبوں میں نوکری نہیں کرنی چاہیے۔ اس کے علاوہ پلمبنگ، ایسی نوکریاں جن میں وقت کی متعین نہ ہو اور ایسی نوکریاں جن میں پرفیکشن کا حصول ناممکن ہو یا درکار نہ ہو، ایسے لوگوں کے لیے اچھی نہیں ہیں۔
برج میزان(23 ستمبر تا 22 اکتوبر)
ایسی نوکریاں جن میں مذاکرات کرنے کی ذمہ داری ہو، لائف کوچ، کونسلنگ، وکیل، ہوم سٹائلنگ، پبلک سپیکنگ اور ویڈنگ انڈسٹری کی نوکریاں بہترین ہوتی ہیں۔
ان کے لیے ایسی نوکریاں جہاں بہت سارے فیصلے بہت تیزی کے ساتھ کرنے ہوں، اچھی نہیں ہوتیں۔ ایسی نوکریاں جن میں ذہنی پریشانی ہو اور ڈیڈ لائنز ہوں۔
برج عقرب (23 اکتوبر تا 21 نومبر)
کونسلنگ، عمر رسیدہ یا معذور لوگوں کی مدد کرنے والی نوکریاں، شیف، کسٹمر سروس انڈسٹریز کی نوکریاںمیوزک، تھیٹر یا اداکاری کی انڈسٹریز کی نوکریاں، میڈیکل پروفیشنل، ٹیچنگ، ویلفیئر، سوشل ورک اور آن لائن سیلزکی نوکریاں بہترین ہوتی ہیں۔
ان کے لیے فوج جیسی نوکریاں بدترین ہوتی ہیں جہاں جذبات اور ہمدری وغیرہ مناسب نہیں سمجھے جاتے۔ اس کے علاوہ ایسی نوکریاں جن میں وقت کے لحاظ سے لچک نہ ہو، پائلٹ، ایسی نوکریاں جہاں ہمہ وقت چہرے پر مسکراہٹ رکھنی پڑے ، بدترین ثابت ہوتی ہیں۔
برج قوس(22 نومبر تا 21 دسمبر)
رائٹنگ، پوڈکاسٹنگ، لائیو سٹریمنگ، مارکیٹنگ، ایسی نوکریاں جہاں سفر کا موقع زیادہ ملے، ایسی نوکریاں جہاں آزادی کا احساس ہو، قائدانہ کردار کی حامل نوکریاں اور ٹیچنگ برج قوس کے لوگوں کے لیے بہترین ہوتی ہیں۔ ان لوگوں کے لیے معمول کی 9سے 5کی نوکریاں، سخت قواعدوضوابط کی حامل نوکریاں، ایسی نوکریاں جہاں ذمہ داریاں بہت زیادہ ہوں، ایسی نوکریاں جہاں صبر و برداشت درکار ہو، ان لوگوں کے لیے اچھی ثابت نہیں ہوتیں۔