رمضان میں جسم کو پانی کی کمی سے کیسے بچائیں؟ جانیں

ماہ رمضان کا آغاز ہو چکا ہے اور ساتھ ہی ملک میں گرمی کی شدت میں بھی اضافہ ہو رہا ہے۔

اس ماہِ مقدس میں سب سے ضروری اور اہم بات یہ ہے کہ ہم اپنے جسم میں پانی کی کمی نہ ہونے دیں، چونکہ گرمی شدید ہے جس کی وجہ سے پسینہ آنا عام بات ہے، پسینے کی وجہ سے جسم میں پانی کی کمی ہو سکتی ہے جسے کنٹرول کرنا انتہائی ضروری ہے۔

ماہرین طب کے مطابق گرمی میں روزہ رکھنے کے باعث جسم میں پانی کی کمی واقع ہوسکتی ہے جس کے لیے سحر و افطار میں پانی کا استعمال بڑھا دینا چاہیے۔

سحر و افطار میں پانی یا پھلوں کے رس زیادہ سے زیادہ اپنی غذا میں شامل کریں، غذا میں دودھ اور دہی کا استعمال بھی ضرور کریں۔

سحری میں کم از کم 2 گلاس پانی لازمی پئییں جبکہ جوس اور کولڈ ڈرنک سے دور رہیں۔ یہ آپ کے وزن میں اضافہ کریں گی۔

افطار کے اوقات میں ایک ساتھ 7 یا 8 گلاس پانی پینا نہ صرف بے فائدہ ہے بلکہ صحت کے لیے نقصان دہ بھی ہوسکتا ہے۔ اس لیے اس وقت پانی کو متوازن طریقے سے استعمال کریں۔ روزہ کھجور اور 2 گلاس پانی کے ساتھ افطار کریں۔

کوشش کریں کہ گرم اور دھوپ والی جگہوں پر کم سے کم جائیں۔