آج کے اس مصروف ترین دور میں جہاں کچھ لوگوں کو سر کھجانے تک کی فرصت نہیں ہوتی، آپ کو اگر ذرا سا بھی فارغ وقت ملتا ہے تو اس پر شکر کریں اور اس وقت کو ضائع کرنے کے بجائے کچھ ایسا کریں کہ وہ مستقبل میں آپ کے کام آئے۔
آج ہم آپ کے سامنے ایسی ہی چند تجاویز پیش کریں گے جن پر عمل کر کے آپ اپنے فارغ وقت کو بھی کام میں لا سکتے ہیں۔
سب سے پہلی تجویز یہ کہ اگر آپ فارغ ہیں تو اپنی توجہ اپنے گھر کی طرف لگائیں۔ گھر کی سیٹنگ تبدیل کریں۔ آپ نے اکثر و بیشتر یہ جملہ سنا ہوگا کہ صاف ستھرا گھر خوشی کی علامت ہوتا ہے تو بس اپنا وقت گھر کی تزئین و آرائش میں لگائیں۔
جو وقت آپ کے پاس فارغ ہے اس اوقات کار میں اپنے پسند کے کورسز کی کلاسسز میں داخلہ لے لیں۔ مثال کے طور پر پینٹنگ کلاس، لینگویج کلاس یا کوئی بھی ہنر سیکھنے میں اپنا وقت لگائیں۔
فارغ وقت میں آپ گھر سے باہر چہل قدمی کے لئے بھی جا سکتے ہیں۔ اِس کا سب سے بڑا فائدہ یہ ہوگا کہ آپ کو ذہنی سکون ملے گا۔ جب آپ ذہنی طور پر خود کو صحت مند اور توانہ محسوس کریں گے تو ہر کام بخوبی سرانجام پائے گا۔
آپ اپنے فارغ وقت میں شہر کے کسی میوزیم کی سیر کو بھی جا سکتے ہیں۔ اِس کا سب سے بڑا فائدہ یہ ہو گا کہ آپ کی اپنے شہر اور ان کے لوگوں کی تاریخ کے حوالے سے معلومات میں اضافہ ہو گا۔
آپ اپنے فارغ وقت میں اچھی کتابیں پڑھ سکتے ہیں یا اس کے علاوہ خود لکھ سکتے ہیں۔ جو موضوع آپ کو پسند ہو اس حوالے سے لکھیں اور اسے اپنے سوشل میڈیا اکاؤنٹ پر پوسٹ کریں۔ اِس سے آپ کی لکھائی بھی بہتر ہوگی اس کے علاوہ لوگ آپ کو بحیثیت لکھنے والے کے جاننا شروع ہو جائیں گے۔