کراچی میں لسبیلہ چوک کے قریب ہونے والے دھماکے میں زخمی ہونے والے افراد کی تعداد 8 ہوگئی ہے جبکہ اس دوران متعدد دکانیں بھی تباہ ہو گئیں۔ یہ دھماکہ کے علاقے جمشید کوارٹر میں لسبیلہ چوک کے قریب سیوریج لائن میں ہوا-
پولیس کے مطابق لسبیلہ چوک کے قریب نعمان مسجد کے سامنے زیر زمین سیوریج لائن میں نماز جمعہ کے بعد زوردار دھماکہ ہوا جس کے نتیجے میں لگ بھگ 100 گز تک کی دکانیں اور ایک پکوان ہاؤس کو شدید نقصان پہنچا۔
دوسری جانب دھماکے کے 8 زخمیوں کو ٹراما سینٹر منتقل کر دیا گیا ہے جن میں سے ایک شخص حالت تشویشناک بتائی جا رہی ہے۔
زخمی افراد کی عمریں 24 سے 50 سال کے درمیان بتائی جارہی ہیں-