طارق عزیز پاکستانی میڈیا انڈسٹری کے لیجنڈ ہیں۔ ان کا شو نیلام گھر اس میدان میں آنے والے تمام میزبانوں کے لیے ہمیشہ ایک معیاری مثال رہے گا۔ انہوں نے اپنے پروگرام کے ذریعے تعلیم اور آگاہی فراہم کی اور لوگ انہیں ٹیلی ویژن پر دیکھنا پسند کرتے تھے۔ وہ ایک سیاست دان بھی تھے لیکن سیاسی میدان میں مختصر طور پر شامل ہوئے۔ ان کی اہلیہ ہاجرہ طارق عزیز ماہر امراض چشم ہیں اور اس جوڑے کی شادی شدہ زندگی میں بے پناہ محبت اور افہام و تفہیم تھی۔
گزشتہ دنوں طارق عزیز صاحب کی تیسری برسی تھی اور اس موقع پر صحافی معین زبیر نے مسز طارق عزیزی سے بات کی جنہوں نے ان کی زندگی کے بارے میں کچھ خفیہ حقائق بتائے۔
انہوں نے بتایا کہ طارق عزیز اپنی آنکھیں بھی عطیہ کرنا چاہتے تھے۔ وہ اپنی تمام جائیداد پہلے ہی پاکستان کو دے چکے تھے۔ انہوں نے ایک نوٹ میں آنکھیں عطیہ کرنے کی خواہش کے بارے میں لکھا تھا جس کے بارے میں ان کی اہلیہ کو معلوم نہیں تھا اس لیے اس خواہش پر عمل نہ ہو سکا۔
اہلیہ نے اس بارے میں بھی بات کی کہ وہ کتنے مددگار تھے اور اس کے علاوہ ان کے بچے نہ ہونے کے بارے میں کبھی کچھ نہیں کہا۔ انہوں نے انکشاف کیا کہ جب گود لیا بچہ بڑا ہوتا ہے تو اسلام میں اس سے بھی پردہ ہوتا ہے اور طارق عزیز اسلامی تعلیمات کی وجہ سے ہی بچہ گود لینے کے قائل نہیں تھے۔ طارق صاحب کے بارے میں بات کرتے ہوئے وہ بہت جذباتی ہوگئیں اور انکشاف کیا کہ طارق صاحب کے انتقال کے بعد ریاست کی طرف سے کسی نے ان سے رابطہ نہیں کیا۔