سعودی عرب کی وزارتِ حج و عمرہ کی جانب سے غلافِ کعبہ کے تحفظ کی ضرورت کے بارے میں خبردار کرتے ہوئے 4 احتیاطی اقدامات پر توجہ مبذول کروا دی گئی ہے۔
وزارت کا سوشل میڈیا اکاؤنٹ پر شئیر کردہ اپنی پوسٹ میں کہنا ہے کہ غلافِ کعبہ کی تعظیم کے پیشِ نظر اسے محفوظ رکھنے کے لیے احتیاطی عمل لازمی قرار دیا گیا ہے۔
پوسٹ کے مطابق غلافِ کعبہ کے ساتھ لپٹنے سے گریز کیا جائے اور اس کی صفائی اور طہارت کا خیال رکھا جائے۔
سعودی عرب کی وزارتِ حج و عمرہ کا مزید کہنا ہے کہ غلافِ کعبہ کو کھینچنے اور کاٹنے سے گریز کیا جائے اور اس کی حفاظت اور سلامتی کو یقینی بنایا جائے۔
خیال رہے کہ طواف کے دوران زائرین کی کوشش ہوتی ہے کہ وہ خانہ کعبہ کے زیادہ سے زیادہ قریب جائیں اور غلافِ کعبہ کو چھوئیں۔
عرب میڈیا کے مطابق بار بار چھونے اور کھینچنے سے غلافِ کعبہ کے خراب ہونے کا اندیشہ ہوتا ہے اس لیے زائرین پر اس حوالے سے احتیاط برتنے پر زور دیا گیا ہے۔
Discover the significance of Ghilaf-e-Kaaba and the measures taken to ensure its safety, reflecting the deep reverence held for this sacred covering.