اگر آپ کو کوئی شخص اس بات پر ٹوکے کہ آپ کیلے کا چھلکا غلط طریقے سے اتار رہے ہیں تو یقیناً آپ حیران ہوں گے کہ یہ کونسی نئی بات سامنے آگئی- لیکن یہ حقیقت ہے کہ ہم ساری زندگی بہت سے کام غلط طریقے سے کر رہے ہوتے ہیں لیکن ہمیں اندازہ بھی نہیں ہوپاتا- چند ایسے ہی کاموں کے بارے میں آج ہم آپ کو بتائیں گے-
فریج میں رکھنے سے پہلے کھانا ٹھنڈا کرنا
آپ نے اکثر اپنے بڑوں سے سنا ہوگا کہ گرم گرم کھانا فریج میں نہیں رکھنا چاہیے ورنہ خراب ہوجاتا ہے- لیکن ماہرین کی رائے اس کے برعکس ہے کیونکہ ان کے مطابق زیادہ دیر تک پکا ہوا کھانا باہر رکھنے سے خراب ہوسکتا ہے کیونکہ اس میں جراثیم پیدا ہوسکتے ہیں- اس لیے بہتر ہے کہ نیم گرم کھانے کو فریج میں رکھ دیجے تاکہ خراب ہونے سے بچ سکے-
صبح صبح چائے
اکثر افراد کو صبح سویرے چائے کی طلب ہوتی ہے اور ان کے تو دن کا آغاز ہی نہیں ہوتا بغیر چائے کے- لیکن ماہرین وارننگ دیتے ہیں کہ صبح سویرے چائے پینے سے آپ کے دماغ پر دباؤ بڑھ سکتا ہے کیونکہ اس وقت کارٹیسول نامی ہارمون فعال ہوجاتا ہے- اس لیے چائے ناشتے کے بھی کچھ وقت بعد پینی چاہیے-
کیلا چھیلنے کا صحیح طریقہ
کیلے کا چھلکا ہمیشہ ڈنڈی کی جانب سے اتارنا چاہیے کیونکہ اس سے کیلا ٹوٹنے سے بچ جاتا ہے- لیکن زیادہ تر افراد کیلے کو غط طریقے سے چھیلتے ہوئے اس کا چھلکا ڈنڈی کے بجائے دوسری جانب سے اتارتے ہیں- یقیناً آج آپ کو کیلا چھلینے کا درست طریقہ سمجھ آگیا ہوگا-
