مجھے تو بے بی باجی یاد آرہی ہیں٬ مائی ری دیکھ کر لوگ کیا کہنے پر مجبور ہوگئے؟ دلچسپ تبصرے

مائی ری آری ڈیجیٹل کا نیا ڈرامہ سیریل ہے جو روزانہ شام 7:00 بجے نشر کیا جارہا ہے۔ مائی ری نے ہٹ ڈرامہ بے بی باجی کی جگہ لے لی ہے۔ مائی ری ایک غیر معمولی طور پر لکھی گئی کہانی ہے جس میں بچپن کی شادی کو نمایاں کیا گیا ہے۔

ڈرامے میں اسکول جانے والے ایک نوجوان جوڑے کو ان کے باپ نے زبردستی شادی کرنے پر مجبور کیا۔ یہ ڈرامہ بگ بینگ انٹرٹینمنٹ پریزنٹیشن ہے۔ ڈرامے کے پروڈیوسر فہد مصطفیٰ اور ڈاکٹر علی کاظمی ہیں۔

فہد مصطفیٰ کی اہلیہ ثنا فہد نے مائی ری لکھا ہے جبکہ اس سے قبل انہوں نے مقبول ڈرامہ رنگ لگا لکھا تھا۔ میثم نقوی شو اس ڈرامہ کے ڈائریکٹر ہیں۔ ڈرامے کی کاسٹ میں آئینہ آصف، ثمر عباس، نعمان اعجاز، ماریہ واسطی، مایا خان، ساجدہ سید، سعد فریدی، آمنہ ملک، پارس مسرور، عثمان مظہر اور دیا مغل شامل ہیں۔

اس ڈرامے کی اب تک دو قسطیں نشر کی جا چکی ہیں۔ پہلی قسط کو 24 گھنٹوں میں 5 ملین سے زائد لوگوں نے دیکھا۔ سیریل مائی ری کو ناظرین کی جانب سے بے حد پسند کیا جا رہا ہے۔ انہیں اس ڈرامے کا مختلف تصور پسند آیا۔ بہت سے شائقین خاص طور پر نعمان اعجاز کو ڈرامہ دیکھنے آئے۔ ڈرامے میں ان کی شاندار اداکاری کو مداح بے حد پسند کر رہے ہیں۔

بہت سے مداحوں کا کہنا تھا کہ انہوں نے اس ڈرامے کو آئینہ آصف کے لیے بے بی باجی میں سمن کے طور پر شاندار پرفارمنس کے بعد دیکھا۔ شائقین کا یہ بھی کہنا تھا کہ انہیں کافی عرصے بعد ڈرامے میں مایا خان اور ماریہ واسطی نظر آئی ہیں۔

اس کے علاوہ شائقین کو ایک متوسط ​​طبقے کے خاندان کی سادہ تصویر کشی بھی پسند آرہی ہے۔ بہت سے مداحوں نے ایپی سوڈ کو بروقت اپ لوڈ کرنے کا مطالبہ کیا۔ انہوں نے انگریزی سب ٹائٹلز کی بھی درخواست کی۔ لیکن چند مداح ابھی تک بے بی باجی کو یاد کرتے نظر آرہے ہیں۔

ایک صارف کا کہنا تھا کہ میں خوش ہو مائی ری سے بھی لیکن مجھے بےبی باجی ڈرامہ بھی یاد آرہا ہے-