سونے کی قیمت میں ہوشربا اضافے نے اسے عورتوں سے میلوں دور کردیا ہے جبکہ چوری اور ڈکیتیوں کے ڈر سے بھی خواتین سونا پہن کر باہر نکلنے سے اجتناب کرتی ہیں- لیکن اس صورتحال میں بھی پاکستان کے کچھ شوقین مرد نوجوان ایسے ہیں جو کئی کئی تولہ سونا پہن کر سڑکوں پر گھومتے نظر آتے ہیں- لیکن واضح رہے کہ سونا مرد پر حرام ہے-
شیر خان
شیر خان لاہور کے رہائشی ہیں اور انہیں کنگ آف لاہور بھی کہا جاتا ہے کیونکہ یہ سب سے زیادہ سونا پہننے والے انسان ہیں- گولڈ مین شیر خان کے مطابق ان کے پاس سترہ کلو سونا ہے جبکہ ایک انتہائی امیر گھرانے سے تعلق رکھتے ہیں جس کا اندازہ ان کی گاڑیاں اور زیورات دیکھ کر بھی ہوتا ہے-
ظفر سپاری
ظفر سپاری کو کون نہیں جانتا کئی لوگ ایسے ہیں جنہوں نے ظفر سے ہی متاثر ہوکر سونا پہننا شروع کیا-
راولپنڈی سے تعلق رکھنے والے ظفر سپاری کئی قسم کے سونے کے زیورات پہن کر گھومتے ہیں جن میں کڑے٬ انگوٹھیاں اور ہار بھی شامل ہوتے ہیں- اگرچہ ظفر سپاری پیشے کے اعتبار سے سنار ہیں لیکن ان کے کئی دیگر کامیاب کاروبار بھی ہیں-
سلمان بابا
لاہور سے تعلق رکھنے والے سلمان بابا ایک وقت میں 80 تولے تک سونا پہن کر سڑک پر گھومتے ہیں- اس 80 تولہ میں سونے کی چین٬ بریسلٹ٬ موبائل کور اور انگوٹھیاں وغیرہ شامل ہیں- سلمان کی فیملی بھی سونے کا کاروبار کرتی ہے-
