صوبہ سندھ کے علاقے کندھ کوٹ میں کچے کے علاقے گھوڑہ گھاٹ کے ایک گھر میں راکٹ کا گولہ پھٹنے کے نتیجے میں 8 افراد جان سے ہاتھ دھو بیٹھے۔
اس افسوسناک واقعے میں 5 بچوں سمیت 8 افراد جاں بحق اور 5 زخمی ہو گئے ہیں۔
پولیس کا کہنا ہے کہ یہ راکٹ کا گولہ بچوں کو زرعی زمین سے ملا تھا جو دھماکے سے پھٹ گیا۔
ایس ایس پی روحل کھوسو کے مطابق بچے راکٹ کا گولہ کھلونا سمجھ کر گھر لے آئے جو دھماکے سے پھٹ گیا اور متعدد افراد زخمی اور جاں بحق ہوگئے۔
روحل کھوسو کے مطابق لاشوں اور زخمیوں کو اسپتال منتقل کیا جا رہا ہے۔