ایمان علی ایک انتہائی شاندار اور باصلاحیت ٹیلی ویژن اور فلمی اداکارہ ہیں۔ ایمان علی نے کیرئیر کا آغاز بطور فیشن ماڈل کیا۔ انہوں نے ایک دہائی سے زیادہ عرصے تک فیشن انڈسٹری پر راج کیا۔ ایمان علی نوعمری میں ہی شوبز میں آئی تھیں۔ فینز ایمان علی کو بہت پسند کرتے ہیں اور انہیں ٹیلی ویژن اور فلمی پروجیکٹس میں دیکھنا چاہتے ہیں۔ ایمان علی صرف اپنے چند مخصوص منتخب کردہ پروجیکٹس کام کرنے کے لیے مشہور ہیں۔ لوگ ایمان علی کی ایمانداری اور ان کے بے باک جوابات کو پسند کرتے ہیں۔
حال ہی میں ایمان علی دی ٹاک شو میں نظر آئیں جس میں انہوں نے فلم پنجاب نہیں جاؤں گی کے بارے میں بہت سے ایسے دلچسپ حقائق سے پردہ اٹھایا جن سے لوگ ناواقف تھے۔
انہوں نے خلیل الرحمان قمر کی تحریر پر بھی بات کی۔ اپنی مسترد کردہ فلموں کے بارے میں بات کرتے ہوئے ایمان علی نے کہا، میں نے آخری سکرپٹ پنجاب نہیں جاؤں گی ریجیکٹ کیا۔ یہ ایک بڑی فلم تھی اور ویسے شروع میں پنجاب نہیں جاؤں گی ایک ڈرامہ تھا پھر میں نے انہیں فلم بنانے کا مشورہ دیا لیکن خود پھر میں نے اسے چھوڑ دیا۔
فلم چھوڑنے کی وجہ بتاتے ہوئے ایمان علی نے کہا کہ ’’میں نے پنجاب نہیں جاؤں گی اس لیے چھوڑی کہ فنکارہ کا مرکزی کردار ناقص تھا کیونکہ فلم لکھنے والے ہمارے مصنف کو کراچی کی ایک لڑکی کی ذہنیت کا علم نہیں تھا جو ہر راستے سے گزر کر آئی تھی۔
بیرون ملک سے آنے والی امل کے کردار میں ایک بڑی خامی تھی، مصنف لفظ کھگگا صاحب کی بجائے مسٹر کھگگا لکھ سکتے تھے، برطانیہ یا کہیں بھی دوسرے ملک سے آنے والی لڑکی، کھگگا صاحب کیوں کہے گی، اس بات کا احساس ہوتے ہی میں نے فلم شوٹنگ سے تین دن پہلے ہی چھوڑ دی تھی-