برسات کا موسم جہاں خوشیاں لاتا ہے وہیں دوسری طرف اپنے ساتھ کئی بیماریاں بھی لے کر آتا ہے- اور اکثر افراد یا ان کے بچے اس موسم میں احتیاطی تدابیر اختیار نہ کرنے کی وجہ سے بیمار پڑجاتے ہیں-
بارش کے موسم میں ڈائریا، ٹائیفائیڈ اور ڈینگی، ملیریا بھی بہت تیزی سے پھیلتے ہیں جس کی وجہ اس موقع پر پھیلنے والی بہت زیادہ گندگی ہوتی ہے۔
ڈاکٹر عاطف کے مطابق اگر بچے کو بخار ہوجائے تو اسے پیراسٹامول دیں اور اگر بخار پھر بھی نہ اترے تو فوری طور پر ڈاکٹر سے رجوع کریں-
اس موسم میں وائرل بخار یا بیماری دو دن میں ٹھیک ہوجاتے ہیں لیکن اس سے زیادہ وقت لگنے کی صورت میں ڈاکٹر سے رابطہ کرنا ضروری ہوتا ہے- اس کے علاوہ ڈائریا کی شکایت ہو تو بچے کو صرف او آر ایس کا پانی پلائیں- اگر پھر بھی علامات ختم نہ ہوں تو ڈاکٹر سے مشورہ کرلیں-
بارش کے موسم میں ہر فرد کے لیے ضروری ہے کہ وہ صفائی کا خاص خیال رکھے جبکہ ہر موقع پر ہاتھ دھونے کی عادت لازمی اپنائیں- یہ احتیاطی تدابیر اختیار کر کے ہی آپ مون سون کی بیماریوں سے محفوظ رہ سکتے ہیں-