گاؤں سے آئے کسان کا کارنامہ - فلیٹ کی بالکونی میں جانور پالنا شروع کردیے٬ مگر پھر وہ ہوا جو کوئی سوچ بھی نہیں سکتا

ایک چینی کسان جو حال ہی میں صوبہ سیچوان میں اپنے دیہی گھر سے شہری اپارٹمنٹ کی عمارت میں منتقل ہوا تھا جب اس نے اپنی بالکونی میں سات بچھڑوں کی پرورش شروع کی تو اپنے نئے پڑوسیوں کو حیران کر ڈالا۔

تصور کریں آپ ایک شہری رہائشی کمپلیکس کی بالائی منزلوں پر رہتے ہیں اور ایک صبح جاگتے ہی گائے کی بو اور کھاد کی خوشبو آئے تو آپ کا کیا حال ہوگا۔ صوبہ سیچوان میں سینکڑوں لوگوں کا یہ چونکا دینے والا تجربہ تھا جو یہ جان کر حیران رہ گئے کہ ان کے ایک نئے پڑوسی نے اپنے چھوٹے سے 5ویں منزل کے اپارٹمنٹ کی بالکونی میں مویشی پالنا شروع کر دیے ہیں۔

یہ شخص حال ہی میں ایک گاؤں سے نقل مکانی کر کے آیا تھا اور پالتو جانوروں کے طور پر پالنے کے لیے اپنے ساتھ سات گائے کے بچھڑے لائے تھے۔ لیکن ان بچھڑوں کی مسلسل بدبو سے ناراض ہو کر، بہت سے رہائشیوں نے حکام کو فون کردیا، اور یوں جانوروں کو ان کے نئے گھر سے پہلے ہی دن زبردستی ہٹا دیا گیا۔

اپارٹمنٹ کی بالکونی میں بچھڑوں کی ویڈیوز ٹک ٹاک کے چینی ورژن ڈوئین پر گردش کر رہی ہیں اور جب کہ زیادہ تر ردعمل مزاحیہ آرہے ہیں، کچھ صارفین نے نشاندہی کی کہ اس مخصوص اپارٹمنٹ کمپلیکس کے بہت سے رہائشیوں نے اپنی ساری عمر دیہی ماحول میں گزاری ہے، اس لیے انہیں صرف سبزیاں اگانا اور جانوروں کی پرورش کرنا ہی آتا ہے۔

ایک شخص نے تبصرہ کیا، "وہاں کے لوگوں نے اپنی زندگی دیہی علاقوں میں گزاری ہے، اور وہ مرغیوں کو پالنے اور اپنے صحن میں سبزیاں لگانے کے عادی تھے۔"

دلچسپ بات یہ ہے کہ جنوری میں اسی اپارٹمنٹ کمپلیکس کے کچھ رہائشیوں نے شکایت کی تھی کہ بہت سے لوگ اپنے اپارٹمنٹس میں شور مچانے والی مرغیاں پال رہے ہیں، جس سے ان کے پڑوسیوں کو تکلیف ہو رہی ہے۔

جہاں تک اس کسان کا تعلق ہے جو اپنی چھوٹی گائیں اپنے ساتھ بڑے شہر میں لے کر آیا تھا، مقامی خبر رساں اداروں نے رپورٹ کیا ہے کہ اس کی وجہ سے پراپرٹی مینجمنٹ کو ہائی الرٹ کر دیا ہے اور سیکورٹی گارڈز کو بھی ہائی الرٹ کر دیا گیا ہے، کیونکہ یہ کسان بار بار مویشیوں کو چھپ کر اپنی 5ویں منزل پر موجود اپارٹمنٹ میں داخل کرنے کی کوشش کرتا ہے۔