بے بی باجی ایک ایسا ڈرامہ ہے جس نے گزشتہ چند ہفتوں سے قوم کو جھنجھوڑ کر رکھا ہوا ہے۔ تمام کرداروں نے ناظرین کے دلوں میں جگہ بنا لی ہے اور اسی طرح نصیر عرف حسن احمد کا ایک کردار بھی ہے اور ہر کوئی یہ دیکھنا چاہتا ہے کہ نصیر کے ساتھ اسماﺀ کا کوئی خوش کن انجام ہوگا یا نصیر اپنے کرتوتوں کا بدلہ ادا کرے گا۔
فوشیا سے گفتگو کرتے ہوئے حسن احمد نے ڈرامے میں اپنے کردار کے بارے میں حیرت انگیز حقیقت سے پردہ اٹھایا۔ انہوں نے انکشاف کیا کہ دراصل انہیں پہلے جمال کے کردار کی پیشکش ہوئی تھی-لیکن انہوں نے اسے چھوڑ دیا کیونکہ وہ ایسا سیدھا سا کردار ادا نہیں کرنا چاہتے تھے-
حسن احمد نے مزید بتایا کہ میں نے پوچھا کہ کیا میں نصیر کا کردار ادا کر سکتا ہوں کیونکہ اسکرپٹ پڑھنے کے بعد مجھے لگا کہ نصیر زیادہ جاندار اور مختلف کردار ہے۔ مگر اس وقت نصیر کے کردار کے لیے معاملات طے نہیں پائے لیکن بعد میں بنانے والوں نے خود ہی مجھے نصیر کی پیشکش کی اور میں نے فوراً ہاں کر دی۔
نصیر کے مزاج کے بارے میں بات کرتے ہوئے حسن احمد نے کہا کہ ایسے لوگ موجود ہیں۔ انہوں نے یہ بھی انکشاف کیا کہ تقریباً 10 سال پہلے انہیں خود غصے کے مسائل تھے لیکن انہوں نے خود پر کام کیا اور وہ بدل گئے ہیں۔