وزیر دفاع خواجہ آصف نے انکشاف کیا ہے کہ نواز شریف کو چیئرمین پی ٹی آئی نے نہیں اس وقت کی اسٹیبلشمنٹ نے ملک سے باہر بھیجا تھا۔
انہوں نے یہ حیران کن انکشاف پروگرام آف دی ریکارڈ میں گفتگو کرتے ہوئے کیا کہ ن لیگ اور پی ٹی آئی کے پولیٹیکل مٹیریل میں بہت فرق ہے- نواز شریف کو باہر جانے کی اجازت چیئرمین پی ٹی آئی نے نہیں دینی تھی بلکہ اسٹیبلشمنٹ نے دینی تھی۔
خواجہ آصف کا مزید کہنا تھا کہ الیکشن ہونے والے ہیں اور اس صورتحال میں پی ٹی آئی کے جن لوگوں پر مقدمہ ہے ان کا الیکشن لڑنا مشکل ہوسکتا ہے البتہ پی ٹی آئی کے جن لوگوں پر مقدمے نہیں وہ الیکشن لڑسکتے ہیں۔
خواجہ آصف کا یہ کہنا تھا کہ نواز شریف کو ہٹانے اور دوسرے کو لانے میں ملک کو بہت نقصان ہوا۔