خبردار ہوشیار! عوام پیٹرول ڈلوا لیں ورنہ، ملک بھر میں پٹرول پمپس بند کرنے کا اعلان

پاکستان پیٹرولیم ڈیلرز ایسوسی ایشن کی جانب سے 22 جولائی سے پٹرول پمپس بند کرنے کا اعلان کردیا گیا ہے- ایسوسی ایشن کا کہنا ہے کہ جب تک ہمارے تحفظات دور نہیں کیے جائیں گے تب تک پیٹرول کی فراہمی نہیں کی جائے گی-

پاکستان پیٹرولیم ڈیلرز ایسوسی ایشن نے پریس کانفرنس کرتے ہوئے کہا ہے کہ موجودہ صورتحال میں افراط زر کی شرح ریکارڈ سطح پر ہے، بجلی دیگر یوٹیلیٹیز مزدوری کے باعث مالی لاگت دوگنا بڑھ گئی ہے ۔

عبدالسمیع خان کا کہنا تھا کہ ہم پورے ملک میں 22 جولائی سے کام بند کرنے کا اعلان کررہے ہیں کیونکہ موجودہ صورتحال میں ہماری آمدنی بالکل ختم ہوکر رہ گئی ہے اور اس مارجن میں کام کرنا ناممکن ہوگیا ہے۔

پاکستان پیٹرولیم ڈیلرز ایسوسی ایشن کی جانب سے اس ہڑتال کے اعلان کے ساتھ ہی ملک میں ایک بار پھر پیٹرول بحران کا خطرہ سر اٹھانے لگا ہے جو ایک خوفناک صورتحال کو بھی جنم دے سکتا ہے-