شہریوں کے لیے خوشخبری٬ کراچی میں بارش کا امکان لیکن کس دن ہوگی؟

محکمہ موسمیات کی جانب سے ملک کے سب سے بڑے شہر کراچی میں کل اور پرسوں بارش کا امکان ظاہر کیا گیا ہے۔

محکمۂ موسمیات کا کہنا ہے کہ کراچی میں آج بھی مطلع جزوی ابر آلود اور بوندا باندی ہونے کا امکان ہے۔

تاہم کراچی میں اس وقت درجۂ حرارت 30 ڈگری سینٹی گریڈ ریکارڈ کیا گیا ہے جبکہ آج زیادہ سے زیادہ درجۂ حرارت 35 ڈگری تک رہنے کا امکان ہے۔

محکمۂ موسمیات کا یہ بھی کہنا ہے کہ کراچی میں ہوائیں 16 کلو میٹر فی گھنٹہ کی رفتار سے چل رہی ہیں۔