p>
کروڑ پتی افراد 5 کام کبھی نہیں کرتے اور اگر آپ بھی امیر بننا چاہتے ہیں تو ان بری عادتوں سے چھٹکارا حاصل کریں۔ کیا آپ نے کبھی سوچا ہے کہ کیا چیز ایک امیر شخص کو امیر بناتی ہے۔ یہ دراصل کچھ عادات ہیں جو کامیاب اور امیر تاجروں میں عام ہیں۔ اور اگر آپ امیر بننے کی خواہش رکھتے ہیں تو آپ کو ان عادات کو کرنا چھوڑ دینا چاہیے۔
شرمانا چھوڑ دیں:
کوئی کام چھوٹا یا بڑا نہیں ہوتا کام صرف کام ہوتا ہے بشرطِ حلال ہونا چاہیے- کسی کام کو چھوٹا سمجھ مت چھوڑیے اور نہ اس کے کرنے پر شرمندگی محسوس کیجیے- لوگوں کی فکر چھوڑیں کہ وہ کیا کہیں گے بس جو بہتر کاروبار لگٰے وہ شروع کردیجیے-
آرام دہ ماحول ترک کیجیے:
کامیابی کبھی بھی کسی پرسکون ماحول میں بیٹھ کر کام کرنے سے حاصل نہیں ہوتی- خود کو فعال کیجیے اور وقت کی قید سے آزاد ہمیشہ کام کے لیے تیار رہیے- خود کو آرام دہ ماحول سے نکالیے اور موسم کی فکر کیے بغیر اپنی کامیابی کا سوچتے ہوئے ہر جگہ پہنچ جائیے-
سستی کو خیر آباد کہیے:
اگر آپ امیر بننا چاہتے ہیں تو سستی کو خیر آباد کہیے- آج کا کام آج ہی ختم کریں اور اسے کل پر مت چھوڑیں- اپنی توجہ کو کسی اور طرف مت بھٹکنے دیں اور مکمل طور پر اپنے مقصد پر توجہ مرکوز کرتے ہیں اس کے حصول کی کوشش کریں-
منفی خیالات:
ایک عادت جس سے آپ کو لازمی چھٹکارا حاصل کرنا ہوگا وہ ہے منفی خیالات یا منفی سوچوں کی عادت- اپنے دماغ کو منفی خیالات سے آزاد کروائیں- منفی خیالات آپ کو کوئی کام نہیں کرنے دیں گے- آپ جب بھی کوئی کام کرنے کا سوچیں گے تو یہ آپ کو صرف نقصان سے ڈرائیں گے-
رسک ضرور لیں:
رسک لینے سے ہرگز مت ڈریں٬ کاروبار کی مکمل پلاننگ کریں اور کاروبار کو آگے بڑھائیں اور نئے نئے اقدامات اور تجربات کریں- ممکن ہے آپ کو شروعات میں ناکامی بھی ہو لیکن جلد ہی حاصل ہونے والے تجربات کی مدد سے آپ بڑی کامیابی حاصل کرنے میں بھی کامیاب ہوجائیں گے-