پاکستان میں نئے اسلامی سال کے آغاز اور ماہِ محرم کے لیے چاند آج دیکھا جائے گا اور اس سلسلے میں مرکزی رویت ہلال کمیٹی کا اجلاس آج کوئٹہ میں منعقد ہوگا۔
اس اہم اجلاس کی صدارت چیئرمین کمیٹی مولانا عبدالخبیر آزاد ڈپٹی کمشنر کمپلیکس میں کریں گے جبکہ اس موقع پر چیف میٹرولوجسٹ سردار سرفراز اور دیگر حکام بھی موجود ہوں گے۔
چاند نظر آنے یا نہ آنے کے حوالے سے محکمہ موسمیات کا کہنا ہے کہ بلوچستان کے مختلف علاقوں میں محرم کا چاند نظر آنے کے معمولی امکانات ہیں کیونکہ ساحلی پٹی پر مطلع جزوی ابر آلود رہنے کے امکانات ہیں۔ اس کے علاوہ کوئٹہ میں بادلوں کی وجہ سے بھی چاند نظر آنے کا امکان کافی کم ہے۔ اس لیے آج محرم کا چاند نظر آنے کے امکانات کافی کم ہیں-