سعودی عرب میں ایک حادثے کا شکار ہونے والی کار کو اپنی جان پر کھیل کر اسے بچانے کی کوشش کرنے والے بنگالی شہری کی عوامی اور سماجی حلقوں کی طرف سے غیرمعمولی تحسین کی جا رہی ہے اور اسے ہیرو کا درجہ دیا گیا ہے۔
العریبیہ ڈاٹ نیٹ کے مطابق سوشل میڈیا پر پوسٹ کی گئی ایک ویڈیو میں دیکھا جا سکتا ہے کہ ایک جگہ ایک کار کو آگ لگی ہوئی ہے۔ اس دوران ایک بنگالی ورکر وہاں آیا جہاں اس نے آگ کے شعلوں میں گھری کار کو بچانے میں مدد کی۔ ویڈیو اس لنک پر دیکھیں
https://shorturl.at/GJM28
سوشل میڈٰیا پر پوسٹ ویڈیو میں دیکھا جا سکتا ہے کہ ایک کار کے اگلے حصے میں اچانک آگ بھڑک اٹھی۔ اس پر کار کا ڈرائیور باہر آیا اس کے ساتھ دوسرے افراد بھی کار سے اتر آئے۔
اس دوران ایک قریبی شاپنگ مال میں کام کرنے والے بنگالی ملازم اسٹور کے کیمرے میں دیکھا کہ باہر ایک کار کوآگ لگی ہوئی ہے۔ اس نے آگ بجھانے کا سامان اٹھایا اور تیزی سے گاڑی کی طرف بڑھا۔ اس نے کار میں لگی آگ پر قابو پالیا۔
بنگالی کارکن نے میڈیا پر ہونے والی بحث پراپنے فوری ردعمل میں کہا کہ ’’میں نے کیمرے میں گاڑی سے آگ نکلتی ہوئی دیکھی، اس لیے میں دکان کے اندر سے آگ بجھانے والا آلہ لے آیا اور میں تیزی سے گاڑی کی طرف گیا۔ آگ بجھانے میں اس کی مدد کی۔ یہ آگ گاڑی کے انجن میں لگی تھی۔ اس وقت اس کے ساتھ اس کے اہل خانہ تھے۔ میں نے ان کی اس مشکل میں انسانی بھائی چارے کے تحت مدد کی اور ان کی گاڑی کو آگ سے بچایا۔