کسٹمز نے بحیرہ عرب میں ڈیزل اسمگلنگ کی کوشش ناکام بنا دی

کسٹمز انفورسمنٹ نے بحیرہ عرب کے کھلے سمندر میں کارروائی کرتے ہوئے ڈیزل اسمگل کرنے کی کوشش ناکام بنا دی۔

ترجمان کسٹمز کے مطابق اورماڑہ کے قریب لانچ کو روک کر تلاشی لی جس سے 18 ہزار 271 لیٹر ایرانی ڈیزل برآمد کیا گیا۔ برآمد شدہ ڈیزل کی مالیت 49 لاکھ روپے سے زائد بتائی گئی ہے۔

ترجمان کے مطابق لانچ پر موجود افراد کو حراست میں لے کر کراچی منتقل کر دیا گیا ہے جبکہ اسمگلنگ میں استعمال ہونے والی لانچ کو بھی تحویل میں لے لیا گیا اور مزید تفتیش جاری ہے۔