کراچی: بجلی کی بندش کے خلاف ماڈل کالونی میں احتجاج، مرکزی شاہراہ بند

کراچی کے علاقے ملیر ماڈل کالونی جناح ایونیو پر شہریوں نے بجلی کی طویل بندش کے خلاف احتجاج کرتے ہوئے سڑک بلاک کردی۔ مظاہرین نے دھرنا دے کر مرکزی شاہراہ کو ہر قسم کی ٹریفک کے لیے بند کردیا۔

ٹریفک پولیس کے مطابق احتجاج کے باعث ملیر ہالٹ سے ماڈل کالونی قبرستان جانے اور آنے والے دونوں راستے بند ہیں، جس کے باعث شہریوں کو شدید مشکلات کا سامنا ہے۔

پولیس کا کہنا ہے کہ ٹریفک کو متبادل راستوں پر موڑا جارہا ہے. ماڈل قبرستان کٹ سے آنے والی ٹریفک کو ایئرپورٹ کی جانب جبکہ ملیر ہالٹ سے آنے والی گاڑیوں کو شارع فیصل کی طرف بھیجا جارہا ہے۔