کراچی میں بارش کے باعث دیواریں گرنے کے دو مختلف واقعات پیش آئے جن میں 3 بچوں اور 2 خواتین سمیت 5 افراد جاں بحق ہوگئے۔
پہلا واقعہ گلستان جوہر بلاک 13 میں پیش آیا جہاں جھگیوں کے قریب واقع ایک گھر کی دیوار گرنے سے 4 افراد جان کی بازی ہار گئے اور 4 زخمی ہوئے۔ جاں بحق افراد میں 4 سالہ مریم دختر افضل، 3 سالہ حمزہ ولد افضل، 24 سالہ سمیعہ زوجہ مبین اور ایک نامعلوم شخص شامل ہیں، جبکہ 10 سالہ بچہ زخمی ہوا۔ پولیس اور ریسکیو ٹیمیں موقع پر پہنچ گئیں اور جاں بحق و زخمیوں کو قریبی اسپتال منتقل کیا گیا۔
دوسرا واقعہ اورنگی ٹاؤن سیکٹر 11.5 خلیل مارکیٹ اقصیٰ مسجد کے قریب پیش آیا جہاں گھر کی دیوار گرنے سے 8 سالہ عبداللہ ولد عباس جاں بحق ہوگیا۔ متوفی کو عباسی شہید اسپتال منتقل کیا گیا۔